السلام عليكم
عندي ابن عمره ثلاث سنين ونص يحكي وكلامه يضحك احببت ان اشارككم فيه لان كل الاطفال بهذا السن يتكلمون بنفس الطريقةالبريئة
اليكم هذا الحوار نبدا من الصباح
الطفل: ثباح خيل ماما ,ثباح فل والياثمين ( يعني صباح الخير ماما صباح الفل والياسمين)
الام : صباح النور ياعمري كيف حالك؟
الطفل:حد لله ميح (يعني الحمد لله مليح)
الام بدك تاكل ماما ؟
الطفل :اه ماما بدي اتل ، انا ثبعان (قصده انا جعان بس بقلب المعاني العكس )
الطفل : ماما بهمث اتعد عكمبوتل اتفلد على توم وديري (يعني بهمش اقعد على الكمبيوتر اتفرج على توم وجيري)
الام : لا ماما ما تقعد عند الكمبيوتر هلا صحيت بعدين عيونك بوجعوك
الطفل:بث ثوي ماما ، بث ثوي (يعني بس شوي )
الام طيب ماما بتتفرج شوي وبتقوم
بروح فعلا على الكمبيوتر وبشغله وبتفرج
الطفل: ماما ، ماما الكيبولد خلبانة ، والماوث مث لاضية تتحلك (يعني الكيبورد خربانة والماوس مش راضية تتحرك)
الام بعصبية : شو عملت فيه كان شغال ؟؟؟؟؟؟؟؟؟؟؟؟؟؟؟
الطفل : مث انا يا ماما مث انا اخوي خلبه (يعني مش انا اخوي اللي خربه واخوه بكون في المدرسة وليس له علاقة بالموضوع )
تعصب الام على الطفل فيواري وجهه
الام : مالك ماما
الطفل بكل جدية : انا زلعان منك يا ماما ، انا زلعت منك ( يقصد انا زعلان وانا زعلت )
بعد ذلك بفترة
الطفل : بدك تجعني يا ماما
تستغرب الام من كلام الطفل ولا تفهم عليه
الطفل : بدك تجعني يا ماما ، يعني عجييييييييييييييييييييييييييين( يقصد بدك تعجني)
هذه بعض الكلمات البريئة الجميلة التي تخرج من افواه اطفالنا الاحباء ارجو ان تكونوا قد فهمتوها (لانها لغة خاصة ههههههه)
مع تقديري لكم وحب طفلي الصغير لكم
فهو فعلا يشغل الكمبيوتر ويفتح منتدانا ويرى ما فيه ويتفرج على توم وجيري ما شاء الله عليه
وان شاء الله تفرحوا باولادكم و الله لا يحرم انسان من هالنعمة الكبيرة
0
0
0