اشوية نكت على الماشي لاعضاء منتدانا يمكن ايصحصحوا

بعد المؤتمر أجتمع واحد أمريكي و وواحد فرنسي وواحد مصري و كل واحد قعد يتكلم عن إنجازاتة

الأمريكي : أحنا كان عندنا في أمريكا واحد ما بيشوفش رحنا عملنا أيه ؟؟

جبنا قطة و دبحناها و خدنا عنيها و زرعناهم للراجل

إللي واقفين أستغربوا وقالولوه : و بيشوف كويس

الأمريكي : يوووه دا بيشوف إللي ورا الشمس

راح جه الفرنسي و قال أحنا كان عندنا واحد

كبده تعبان فجبنا قطة و دبحناها وخدنا كبده و زرعناه للراجل

قالوله : و بيشتغل كويس

قالهم الفرنسي : يوووه دا بيهضم الزلط

قام المصري قال : أحنا بأه كان عندنا واحد مخة بايظ رحنا شيلنا مخة و حطينا بدالة جزمة

قالوله : أيه داا و شغال كويس

قالهم : يوووه , دا بقي رئيس وزراء عندنا دلوقت


واحد راح للدكتور بيقولوا يا دكتور كل ما اكلم واحد

ينام مني ........... يا دكتور .......... يا دكتور يا دكتووووووور.....??






بلدياتنا نجح في انتخابات مجلس الشعب،

ففي اول جلسة قاعد جنب واحد افندى فالأفندى عزم عليه بسيجارة مارلبورو،

وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!



اربع صعايده دخلوا الإمتحان جلهم سؤال: كم عدد أرجل المعزه ؟

بعد الأمتحان طلعوا كلهم ماعدا حسنين ولما ظهر قالوا له ليه

مغششتناش قالهم : أصل المراقب كان جنبي وما قدرتش أطلع المعزه

واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية

*********************************************
واحد بيقول لصاحبه : شايف الست اللى واقفة هناك دى ؟بتضرب كل يوم جوزها

بالجزمة !! .قال له : و عرفت ازاى ؟؟رد : اصلها مراتى

*********************************************


واحد بيقول لصاحبه : انتهت على ايه الخناقة بينك و بين مراتك امبارح؟؟

رد : هه ...دى جت لغاية عندى و ركعت قدامى !!قال له يا سلام و قالت لك ايه ؟

قال له : قالت لى : "اطلع من تحت السرير يا جبان"



*********************************************
مرة واحد ماشي في الشارع فقابل واحد تاني شكله مش على بعضه و مستعجل اوي و

بيقول : لو سمحت من فضلك قلعني الجاكتة

فالاولاني قال له : نعم؟!!!

فالتاني قال : قلعني الجاكتة بسرعة

حاضر.. حاضر و راح مقلعه الجاكتة

لو سمحت بقه قلعني الكرافتة

إيه؟!!

الكرافته ..الكرافته بسرعة

حاضر.. حاضر و راح مقلعه الكرافته و هو مستغرب اوي من الراجل الغريب ده : ها

يا سيدي اي خدمة تانية!!

اه .. معلش فكلي زراير القميص

لااااا دانت زّودتها اوي .. كده تاخد برد يقلب بنزلة شعبية حادة تاخد أجلك

من فضلك فكها .. بسرعة .. ارجوك

ُافففففف.. وادي زراير القميص خلاص فكتها.. دا كان يوم إيه المهبب ده, ها أي

اوامر تانية؟

أيوه قلعي بقه القميص

يا سيدي عييب .. مايصحش كده , د إحنا فى الشارع خللي عندك دم ... .. يا حول

الله يا رب !!

أرجوك.. أرجوك بسرعة.. مافيش وقت

دي وقعت إيه المهببه دي, أنا كان إيه إللي جابني من الشارع ده..وادي القميص

هاااا.. إيه تاني!!

إرسملي على ظهري خطوط بالطول و خطوط بالعرض

حسبي الله و نعم الوكيل .. إنت مجنون ياراجل أنت؟؟!!

من فضلك .. أرجوك

رسمتلك زفت بالطول و زفت بالعرض

رقملي بقه المربعات إللي إتكونت على ظهري بالأرقام من 1 إلي 40

يا صبر أيوووب .. بقه إنت معطلني كل ده علشان تلعبني سيجه على قفاك؟!!!!

بسرعة لو سمحت .. أرجوك رقمهم ... من فضلك مش قادر

أديني رقمتهم...

لو سمحت بقى أهرشلي في المربع رقم 33