مسكين ابليس---هههه

زائر

زمان والى اليوم يقولون شر البلية مايضحك

مسكين ابليس---هههه 1003

كان في غرفته, يلملم ملابسه في حقيبة إلى جانب باقي متعلّقاته, على المنضدة القريبة كانت استقالته موقّعة ومختومة حسب الأصول, وبجوارها تقبع ون-واي تيكت إلى جزر القمر.
كانت ملامح وجهه في تلك اللحظات تنطق بالحزن, الكآبة, الإحباط, اليأس, وقلّة الحيلة... مع دهشة مزمنة ارتسمت عليه منذ فترة ليست بالقريبة, واعترافٍ بالعجز والفشل.
إبليس راحلٌ عن بلادنا إلى غير رجعة... فليفرح المؤمنون...

- وين يامسهّل؟ ليش عم بتضبّ اغراضك؟ مسكين ابليس---هههه 1035

- يازلمة ماظلّلي قعدة عندكو, إلي سنين عاطل عن العمل وقرّبت أموت من الجوع.. بلاقيش معك سيجارة ياخوك؟
مش قاطع فيكو لا وسواس ولا خنّاس! كنت زمان بوسوس للوحدة تسيب ابنها يعيّط وهي بتحكي مع جاراتها, هسّة صاروا لحالهم يرموا اولادهم في الحاوية أوّل مايجوا!
كنت أوسوس للواحد ينسى يسمّي الله قبل مايوكل, هسّة بطّل حدا لاقي إشي يوكله! يازلمة إذا أنا إبليس تسمّمت بالشاورما!
كنت برضو بوسوس للشب يرميله كلمة ع البنت وهي ماشية بالشارع, صاروا البنات يطقّسوا ع الشباب بكلام أنا نفسي بستحي أحكيه!
واحد بسرق 6 مليون دينار عينك عينك بحبسوه 3 سنين في فيلاّ ع شطّ العقبة, وتنين بنبشوا في مكبّ الزبالة بتطخّهم الشرطة, إنتو بدّكو إبليس إنتو؟!
صار عندكم فائض في الفساد بكفّي 30 سنة لقدّام, صرت أخاف على حالي منكم!
يازلمة مرّات بضطرّ أوسوس بالشقلوب وأقول للمسؤول إرحم وللحرامي بكفّي خلّي شويّ للحراميّة اللي رح ييجوا بعدك!
يعني إذا إنتو لحالكو سمالله بتعملوا كل هالبلاوي, أنا إبليس شو أعمل؟ أشتغل شوفير تكسي يعني ولاّ أفتح صالون حلاقة؟ ماظلّ غير أقدّم للأوقاف يعيّنوني واعظ أو إمام جامع!

ثمّ فتح الباب وانطلق خارجاً إلى غير رجعة..

مسكين ابليس---هههه 1032

لكن لما سمع الناس بالخبر ****وعن استقالة بليس قرر نفر

الناس عرفوا الخبر فعملوا مظاهرة كبيرة وذهبوا إليه ليقنعوه بالرجوع عن قراره.... فقالوا له : خليك معانا بلاش تسيبنا....احنا بقينا كذابين ، غشاشين ‘ منافقين.. ورؤسائنا كمان بقوا
مجموعة مرتشين ولصوص .....حتلاقي فين أتباع احسن مننا ؟

قال لهم : انتم ناس ناكرين للجميل .... الواحد منكم يجي لي لابس جلابية مقطعة وشبشب زنوبة ويبوس ايدي علشان أعلمه ، مأكدبش خبر وأديله المفيد ... بعد شوية يبقي غني وصاحب نفوذ وينتخبوه عضو مجلس شعب ....اروح له علشان أهنيه
..الاقيه قاعد في مكتبه ومعلق وراه برواز كبير مكتوب فيه

(هذا من فضل ربي)

ولا حول ولا قوة الا بالله

زائر

والله الموضوع بدو وقفة مطولة

وين الدنيا وين اهلها

الله يرحم ايام زمان

يعطيكي الف الف عافية

موضوع رائع واسلوب اروع

تحياتي

زائر

شكرا الك على مرورك الكريم

وفعلا بدها وقفه

شر البلية ما يضحك!!!!